The (63th) Birthday of Msgr. John Deng Cin Khup, Rector of St. Mary Cathedral (31.8.2025)

Tuni Msgr. John Khuppu ii kum (63) cinna pawi Lungdamkoh Missa Biakpiakna Zingsang nai (8:30am) in ki pan hi. Missa Biakpiakna sungah Siampi (8) leh thuzuimi (1500) kim kihel hi.
Msgr. Khuppu in Kha-an vakna ah kum (63) sung a ngahsa thupha te tungah lungdam kohna nei hi. Tua khitteh tuni lungdamna laisiangtho sungah “a kingiam khiat mite ki lamsang ding hi” ci-in Topa Jesu genna bulphuhin kingiamkhiatna neih ding ziang hilhcian na nei hi.
A tawpna ah kei zong a beisa hunte sangin kingiamkhiatna ka neihzawh semsem nang thu hong ngetsak un ci-in thu zuite zawn hi.
Kikhop man khitteh Biakinn a kikhawm thuzui mite khempeuh Aksa leh buhciam tawh an vak hi. An vak khitteh Mipite in Msgr. Khuppu Pahtawina Biakinnpi sungah nasia takin bawlsak uh hi.
Pahtawina hun sungin Assistant Siampipa Rev. Fr. Gabriel Suan Kap Lian in hunhon thu genna nei hi. Tuakhitteh Pawlpi min, Nupi, Papi, Khangno, Naupangte leh Nungak Siangtho Sangnaupangte tung pan la tawh pahtawina nei hi.
Tua khitteh group zui-in letsong piakna leh mimal in letsong piakna nei hi. Letsong piakna a man khitteh Msgr. Khuppu in hibangin pawi nong bawlsakuh lungdam mah mah hi ci-in mipite tungah lungdam kohna a gen khitteh hih St. Mary kong tun zawh kum thum bang hita aih teh hong cimtak ta vak uh te ka cih hi ven ka uh mawh sang mitam zaw pek na hih uh manin lungdam mahmah hi ci-in lungdam kohna nei hi.
A tawpna ah thupha piakna tawh hun te mansak hi. Tua khitteh Siadawpa pan ki pan Siampi teng leh Pawlpi EC teng tawh Msgr. Khuppu ii piak khiat Sun-an nekkhopna na sia tak in kibawl hi.