Misiangtho Boniface of Lausanne Pawini. (February – 19)
Mi khempeuhin midamgte thangahhuai gualzawhna angah khin zo hilo hi. Min thang na dingin zong ki sem zo khinlo hi. Ahi zongin a lungkiathuai thu tuam tuam te khat vei teitei ki tuakkha a, Christian citak nuntakna tawh nisim akalsuante ahi hi. Tua bangin a ettehhuai nuntakna tawh anungta mi khatin Belgium gam, Brussels pan ama nuntakna akipankhia Boniface ahi hi.
Boniface in Belgium gam, Brussels khua ah 1183 kumin suak hi. Amah lai ahilh sia te in La Cambre a om, nungak siangthote ahi uh hi. Kum (17) aphak ciangin asangzaw pilna sin dingin Piantit gam, Paris ah sawlna ngah hi. Amah in a pil mahmah le lai azo mahmah sangnaupang khat ahi hi.
Amah in kum (7) sung bang, Christian upna ahilh, mitam in a deih mahmah uh sia khatin Paris ah om hi. Hun khat ciangin tua sang a om sia te le sangnaupangte kikal ah buaina pawlkhat om ahih manin lai hilh aom Boniface in lai hilhna pan kikhawlsak hi.
Boniface in tua buaina te lemtuahna bawl nawnlo in Cologne ah kituahin Cathedral aom, sang ah sia sem om hi. Kum (2) a sawt khit 1230 kum ciangin Lausanne khua Siadaw dingin ki teel hi. Amah in ama vaipuakte lungdamna tak tawh sangin thalawp takin sem hi. Topa Jesu adingin nasem takpite in a tuak theih zel uh gentheih haksatna te mah bangin Boniface in mite telkhialhna le langpangna cihte kum sawtpi thuak kha hi.
Tua bangin a thuakna ah amahin it luatna hangin ahehna kidawm zo nawnlo in ama naseppih Siampi pawlkhatte thu mipite theih dingin genkhia hi. Tua bangin kilangpangnate khang semsem a, Emperor Frederick II in zong Boniface tungah langpang nading thu vaihawm hi.
1239 kumin, migilo pawl khatte in Boniface do sim uh a, tua pan Boniface in liamma nasiatakin ngah hi. Tua ciangin Boniface a thabei bek thamlo, a lung zong kia lua ahih manin ama nasep viapuak pan khawlin Brussels aom, La Cambre nungak siangtho sangah ciah kik hi. Amah in ama sih kum ahi, 1260 kum dong tua nungak siangtho sangha om hi.
Misiangtho Boniface of Lausanne aw….kote adingin thu hong ngetsak tan.
