Misiangtho Dismas Pawini. (March – 25)

Topa Jesu in singlamteh tungah khaina athuak lai-in Topa taklam le veilam ah guta nih zong kikhai khawm uh hi.

Veilam ah Gestas akici gutapa hi a, taklam ah Dismas akici gutapa om hi. Amautenih in mawhna lian abawl uh akibang ahih hangin Dismas in vantunggam nuam lut khuan ngah hi.

Amahin tua munmah pan kisikkikin Topa Jesu kiangah “Topa aw, na gam sungah na lut ciangin kei hong phawkin” ci-in anget ciangin Topa Jesu in zong “Tuni in Paradizu ah kei tawh na om khawm ding hi” ci-in gen hi.

Mawhnei guta Dismas in thahna athuak kuan hunin akisikikna in kisikkik un, mawhnate pelh un, vantunggam hong nai ta hi cih thu hangin amah in kisikkikin Topa Jesu tawh akibangin Paradizu ah lut khuan ngah hi.

Misiangtho Dismas pen thongkiate, kisikkik ding ahanciam guttate ahuh misiangtho ahi hi.

Misiangtho Dismas aw….mawhneimi kote adingin thu hong ngetsak tan.