PALM SUNDAY at St. Mary’s Cathedral, Kalaymyo (29.3.2026)
Inntek Siampipa Msgr John Khuppu vaihawm siamna tawh Kalay Diocese hongcing hongkem Bishop Felix in Singhiang Siangtho Pawi pen St. Mary’s Cathedral Biakinnpi ah noptak in bawl hi.
A ngeina mah bangin Biakpiakna pen khen nih in ki khen hi. Inn pua lam ah sianghiang thupha piakna tawh hun ki pan in tua Sung ah Siampilian pa in hilhcian na tawm hong nei hi.
Tua khitteh mipi gual pai-in Singhiang tawi kawm in Biakinn sung kilut hi. Tua pan Missa Biakpiakna leh Pasian thu tangkona teng Siampilian in hong makaih hi.
Missa Biakpiakna sungah Siampilian pa leh Siampi te a ki gawm mi (4) leh thuzuite tul val hihel thei uh hi.
