Training for Parents at Phai Sacred Heart Church (30-31.3.2026)

Rev. Fr. Damian Dal vaihawm siamna tawh Phai, Siangtho lungtang Parish ah Nupi leh Papi te Pasian thu sinna March 30 ni leh 31 ninih sung Zingsang nai (8:30-11:30) dong noptak in kibawl hi.

Tua sungah Rev. Fr. Joseph Zo Mung in Tate aa ding NulePa te ii thungetsakna a manphatna thu leh thungetna tawh kisai bangci bangin Pasian tawh kizom ding, Pawlpi thungetna laibu suanga te leh ih lungsim pan a piang tawm deihsak thungetna te a ki lamdan na leh Novena bawlna te ii a thupitna te limtak in hilhcian na nei hi.

Bro. Bosco Khup in NulePa te in tate pattah zia ding tawh a kisai thu te, Laisiangtho leh mipilte thu gen na te bulphuh in ei gam leh lei, ei mun tawh kituakin zat pah theih ding a theih huai thu manpha te hilhcian na nei hi.

Tua sungah Nupi leh Papi a kigawm mi vekpi (60) kim pha in tha kingah mahmah hi.

Hih Phai Parish ah pen Nupi leh Papite, Khangnote leh naupangte cih bangin a dawl dawl in Siampite, Brother te leh Nungak Siangtho te makaihna tawh Pasian thu sinna ki nei den hi mah ta leh mipite lawptak in pai tang tang uh ahih manin tha ngah huai mahmah hi.

Tua banah Zingsang an nek khit nai (8:30) panin ki panin sun Nai (11:45) dong ta hun ki zangin Pasian thusin te Zing An sun an, Moh leh Niang tui cih bangin bang mah ki pia lo, inn pan zing an nek khit ciang hong pai, Sun an nek ding ciang inn tek ah ciah uh a hih manin Pawlpi sum bang mah bei lo-in Pasian thu sian na bawl zo den uh ahih manin Sum ngahna a tawm Parish te aa dingin amaute lawpna leh hanciam na te etteh huai mahmah hi.