Catholic Nisim Lungdamna Laisiangtho. Easter Saturday. Thawhkik Pawi Ni (6) Ni. 11.4.2026 (Sat)

Mark 16:9-15

9. Tu-in Jesu in nipikal ni masa ni, a thawhkik khit zingsang tungin a sung pana dawi sagih a hawlkhiatna nu Mary Magdalene’ kiangah a kilang masa pen hi.
10. Tua nu pai a, Topa tawh kithuahin a kikhawl ngei, a dah a kap amaute’ kiangah tua thu a va gen hi.
11. Ahi zongin amaute in Jesu a thawhkikna le Mary in a muhna thu a zak uh ciangin um lo uh hi.
12. Tua ciangin nungzuipi nihte, khuaneu lam zuanin a pai laitakun Jesu in a meel seelin amaute’ kiangah a kilang hi.
13. Tuate gel pai uh a, nungzuipi dangte’ a va koh uh hangin a um tuan kei uh hi.
14. Tua khit ciangin nungzuipi sawm le khatte sabuai ah tu in an a nek laitakun amaute’ kiangah Jesu a kilang hi. Amah a thawhkik a mu mite’ thu gen a um lo amaute’ uplahna le a lungsim khauhnate uh hangin amaute a mawhsak hi.
15. Tua ciangin Jesu in amaute’ kiangah, “Note leitung mun khempeuh ah pai unla, mi khempeuh kiangah lungdamna thu na tangko un.

Hi in Topa’ Lungdamna Laisiangtho ahi hi.