Catholic Nisim Lungdamna Laisiangtho. Thawhkik Pawi Nipi Kaal (4) Na. 29.4.2026 (Wed)

John 12: 44-50

44. Tua khit ciangin Jesu in, “Kei hong um mi in kei bek hong um hilo hi.
45. Kei hong sawlpa zong a um ahi hi. Kei hong mu mi in kei hong sawlpa zong a mu ahi hi.
46. Kei hong um peuhmah khuamial lakah a om lohna dingin khuavakin leitung ah kei hong pai ka hi hi.
47. Mi khatpeuh in ka thugente za napi-in a zuih kei leh tua mi, thu ka khen kei ding hi. Bang hang hiam cih leh, leitung thukhen dinga hong pai ka hi kei a, a honkhia dinga hong pai ka hi hi.
48. Kei hong nolh a, ka thute a sang lo mi’ aading thukhen ding a om hi. Ka genkhiat thu mahmah in ni tawp ni ciangin ama tungah mawhsakna thu a khen ding hi.
49. Bang hang hiam cih leh, keimah in ka ut bangin ka thuneihna tawh thu a gen ka hi kei hi, kei hong sawl Pa mahmah in bang thu gen dinga, bangci gen ding cih thupiak hong pia hi.
50. Ama thupiak in nuntak tawntungna ahi hi, ci-in ka thei hi. Tua ahih manin ka gen peuhmah Pa in hong gen mah bangin a gen ka hi hi,” a ci hi.

Hi in Topa’ Lungdamna Laisiangtho ahi hi.