Misiangtho Pius V Pawini. (April – 30)

Misiangtho Pius V in 1504 kumin Italy gam ah suak hi. Amah pen a siangtho khi thungetna pawini a pankhia pa ahi hi. 1556 kum in Siadaw suak hi. 1566 kum, January 7 ni-in Pope suak a, ama hanciamna tawh Pawlpi puahthak zo hi. Pius in Trent council pen thukim in Siadawte kiangah Parish tuamtuam aa om Siampi te in khangnote Pasian thu a sin sak nadingun hanthawn hi.
Mawhna dan tawh kisai thukhunte khauh lua ahih manin Roma khuapi pen Zateih sangin laih hi ci-in Pius ki langpang hi. Pius in Diocese uk in a om hun sungin Siampite’ nisim anget uh thungetna bu, Missa biakpiakna hun sungin a ki zang thu ngetna bu leh Pasian thubu te bawl hi.
Pius ii a lian pen gualzawhna in 1571 kum, October 7 ni-in Lepanto gal kidona ah gal te ahawlkhiat zawhna hi. Tua gualzawhna in khi thungetna pan a kingah, Tonu Maria ii huhna hi ci-in ciamteh hi. Hih gualzawhna hangin Pius in October 7 ni pen khi thungetna kumpinu pawini leh Christiante ahuh kumpinu ci-in Tonu Litany sungah helin ciamteh hi. Pius in 1572 kum, May 1 in si in, Pope Clement XI in 1712 kumin Misiangtho suahna tangko hi.
Misiangtho Pius aw….kote adingin thu hong ngetsak tan.