Kalay Diocese Marks 20th Episcopal Ordination Anniversary of Bishop Felix with Solemn Celebration. KALAYMYO, MYANMAR — May 6, 2026
Tuni Kalay Diocese hongcing hongkem Siampilian Bishop Felix Lian Khen Thang ii Siampilian suahzawk kum 20 cin Lungdamkoh Missa Biakpiakna Pawipi pen Kalay Diocese ii Innpi Siadawhuang ah noptakin ki bawl hi.
Missa Biakpiakna pen Siampilian pa in hong makaih in Diocese sung pan a kum tampen a hih Rev. Fr. Joseph Pau Kap Mung in Pasian kammal tawh kha-an vakna hong nei hi. Amah in tuni pen Misiangtho Dominic Savio ii Pawi ni zong ahih manin Misiangtho Dominic ii tangtho tom, St, Don Bosco tawh a kithuahna thu te hong gen in tua banah hih St. Dominic ii Mission na sepna te etteh theih dingin hong gen hi.
Tua khitteh Topa Jesu in Tuucing hoih a hihna thu leh Siampilian te pen Tuucing ahihna thu, Tuucing te leh tuu te a kizopzia te aa kipan Siampilian pa ii Siampilian suahzawh kum 20 sung tawn Pa Pasian ii hong kepna te lungdam ko kawmin Siampite nuntakna sungah a theih huai thu manpha tampi tak hong gen khia hi.
Missa Biakpiakna a man khit ciangin Rev. Fr. Raphael Khuppi in Siadawpa tangin lungdamkoh thu gen na leh akikhawm teng aa ding Zingan leh Nitakan nekkhopna Picing takin ki bawl ding hi cih thu te hong gen hi. Tua khit teh zing an nek na ki nei-in nitak ciangin zong Pawi an nek khopna ki nei lai ding hi.
