INNKUAN OMKHOPNA PEUHMAH THUPISAK/MANPHA SAK IN.

Ahangin atawntungin kim zolo ding ih hih man hi.
Tuni angeina bangmah hi i cih kimuhkhopna in Nikhat ciangin i phawk mahmah hong hi ding hi.
Khat veivei, i thupisim kholloh paukhopna in zong Nikhat ciangin a manpha pen phawkna khat hong suak ding hi.
Hunin khawl lo hi. Nuntakna in zong upmawhloh in atuamtuam in kikhel hi. Naupangte hong lian ding, NulePa te hong teek ding, PilePu te zong innkuan ii phawk mahmah hong hi ding hi.
Tua ahih manin innkuan omkhopna peuhmahin letsong khat hi. Nisim nuntakna sungah phawk den ding letsong hi.
Tua bang omkhopna hunte na nisim vai khat peuhpeuh tawh susia kha kei in. Kisia sak kei in.
Innkuan ki-it kilem in om un. Tuni omkhopna in hun khat ciangin alunglen huai, aphawk huai mahmah hong hi pelmawh ding hi.