NIKHAT IHMUT HUN NAI 7 CING KEI LE BANGCI THEI

Ihmut hun nai 7 cinlohna in pumpi pen daitakin hong susia thei hi.

Ihmut ciimlohna pan apiang siatna te –

Khuak nasep zawhna kiam sak

Lunglut zawhnatha 30% dong kiam thei hi.

Thu khat peuhpeuh khensatna ah zekaina le khialhnate hong tam ding hi.

Na khat peuhpeuh koihna thei nawnlo in mangngilhna hong tam ding hi.

Pumpi thuakzawhna kiamsak

Natnate dal zawhna tha 50% dong kiam thei hi.

Ihmut ciimlohna hangin Naptui, Khuasik cih te kithuak pahpah thei hi.

Lungsim tawh kisai

Lungkiat nading 40% hong khang sakin, lungtomin lungsim gentheihna te hong tam semsem ding hi.

Pumpi weight gikna hong khangsak

Ihmut ciimlohna pan gilkialna hormone hong khangin gilvahna hormone kiam ahih manin a thau, sathau cihte duh deuhin hong thau sak semsem thei hi. Tua banah lungtang natna apian nading 48% hong khangin, si khum Type 2 apian nading 1.7 hong khang sak thei hi.

Kum tawh kituak lo-in teek suah

Pumpi sunga cell te kisia baih ahih manin ci le sa te vuai baih hi.

Zan khat ihmut kham lohna in khuak sungah gu kikhol sakin asawt ciangin Alzheimer’s hih nading hong khang sak hi ci hi.

Bangci ki dal ding

Nitak nai 11:00 a sat ma in Phone le TV te khakin lum in.

Nitak lamah Cafe, zu cih te dawn kei in.

Nitak sialin a tawmpen nai 7 sung ihmut theih nading hanciam in.

“Ihmut khamna in sum beilo ahoih pen zatui hi.”