CATHOLIC
Pawlpi suahni ahi, Kha Siangtho Pasian pawini aading kigin hunin Catholic cih kammal tel takin theihkim ding deihsakna tawh kong hawmsawn hi.
Catholic in Topa Jesu ii pumpi tawh akilam Pawlpi ahi hi.
Tua Pawlpi in vantunggam manphatnate tawh kidim hi. Gentehna – Sacramentu Nam (7)
Tua ahih manin leitung cihin Pawlpi aadingin akipiangsak hi a, a ngimna in mihingte hotkhiatna, tua hotkhiatna pen Pawlpi ci-in kisam hi.
Tua Pawlpi pen Topa Jesu mahmah in phuan hi.
Catholic akhiatna-
Catholic = Leitung bup tawh kisai
C – Midangte hehpihna, kepna khoina
A – Midangte lunglutna
T – Thuman thutak tawh hilh na
H – Pahtakhuai, phathuaite phatna, pahtakna
O – Natna satna thuakin a gim a tawl mite hehnepna, thapiakna
L – Itna tawh kidimna, nuntakna
I – Mimal khat ciat hun piakna
C – Correction = Khialhnate puahphatsakna
Pawlpi’ hihna nam (4)
Pawlpi in ciaptehna nam (4) nei hi. Tua ciaptehna te hangin Pawlpi man ahihna tel takin ki thei thei hi. Tua te in-
Khat bek hihna, Siangtho na, Leitung buhah a om tawntungna, Nungzuipite kiangpan hong kizom ahihna te ahi hi.
Eite in Tuuhonte ih hi a, Pawlpi in Tuu huang hi-in, Topa Jesu in Tuu cing pa ahi hi. Tua ahih manin Catholic Pawlpi sungah om na in azumhuai hilo in, angtang huai mahmah ahih manin Pasian tungah lungdam ko ni.
