Bishop Felix Lian Khen Thang Leads Eucharistic Celebration at Santa Marta, Rome, Joined by Myanmar Bishops (June 2, 2026)

Tuni Kawlgam pan Siadawte Vatican ah Ad Limina Visit in a pai na a ninih ni-in Santa Marta Biakinn pi ah Missa Biakpiakna noptak in bawl uh hi.

Tua sungah Kalay Diocese hongcing hong kem Bishop Felix in Missa Biakpiakna makaih in Pasian kammal tawh kha-an vakna zong nei hi.

Tua pan Missa Biakpiakna a man khit ciangin Dicastery for Lay, Family and Life a kici Vatican gam aa om thuzui mite ii Innkuan tawh kisai khantoh nang nasepna zumpi ah va pai uh hi.

Hih Zumpi tawh kisai in Kawlgam Siadawte lakpan vaipuak a makaih pen Hakha Diocese pan Bishop Lucius Hre Kung a hih manin hih Vatican Zumpi aa nasemte leh Kawlgam pan a pai Siadawte ki muh khopna ah Bishop Hre Kung in Kawlgam thu tawh kisai nasep zia te pulaakna (presentation) khat bawl in tua khit teh thu kikupna nei uh hi.

Tua ni bup pen Dicastery for promoting Integral Human Development Zumpi hi ta leh Caritas Internationalis Zumpi te aa ki pan Dicastery for Doctrine of Faith leh Secretary General of Synod cih bangin Vatican aa om Zumpi tuamtuam te ah Kawlgam pan Siadawte va pai kawi kawi in thu kikupna te leh Khat leh khat Letsung kipiakna te nei-in tua nibup pen Zum tawh kisai nasepna te pulaak khiatna leh thu kikupna te tawh hun bei sak in tha ngah hui mah mah hi.

Siadawte khualzin na ah buaina hamsatna om lo in cidam lungnuam takin Khasiangtho Pasian in a makaih den nangun thu ngetsak ciat ni.