Monthly Recollection of Priests of Kalay Zone (13.6.2026)

Tuni Kalay Zone Siampite Pasian thu lungngaihna pen Fr. Thomas Thang Khen Tuang in hong makaihin Kalaymyo Diocesan Pastoral Centre ah noptakin ki bawl hi.

Amah in Lungdamna Laisiangtho (Mt 11: 25-30) na sungah Topa Jesu in vangik pua aa a gim mite aw ka kiangah hong pai un lungnop tawldamna kongpia ding hi a cih kammal bulphuhin Topa Jesu kiang ih pai ding zia hong gen hi.

Tua banah amah in mipil ngaihsut siamna a nei Philosopher te ii thu gen tuamtuam te zong bulphuhin hilhcianna hong pia hi. Tua sungah amah in Topa Jesu in eite ahong sapna pen Tatkhiatna a hongpiak nop man a hih na thu, a vallua in nasep hanciam luatna in lungkhamna hongpia thei ahihna thu te leh lungsim siangtho neihna in lungnopna hongpia zaw ahihna thu te hong genin tha kingah mahmah hi.

Zingsang Morning Office Reading te pen Fr. Romanus Hau Deih Sut leh Fr. Nicholas Cin Kam Thang te in hong makaihin, Pasian thu lungngaihna leh mawh sutna tawh kizom suak pah hi. Khikhinna pen a sawtlo in Deacon a suak ding Tangvalsiangtho te in hong makaih in tua khitteh Sun hun thungetna Midday Prayer pen Fr. Sylvester Pau Van Sang in hong makaih hi.

Hun man ciangin thu zaksakna ah Fr. Raphael Suang Cin Khup in Siadawpa khualzinna tawh kisai 16 ni Yangon tungkikin 23 ni Kalaymyo hong tungkik ding cih thu leh Tangval siangtho te tintan kahna tawh kisai genkhiatna nei hi. Tua khitteh Fr. Robert Kam Kho Hau in June 26 ni ciangin a Birthday pawi a bawlna ding zia hong gen hi.

A tawpna ah Fr. Maxi mian Pau Sian Mung in Siampite Half-Year Meeting July 7 ni zintung ding cih thu leh Tangval Siangtho 4 te in July 11 ni ciangin Sts. Peter & Paul Biakinnpi ah Deacon suahna za ngah ding cih thu te gen khiatna nei hi.

Tu kha Kalay Zone Siampite Pasian thu lungngaihna ah Zone sunga om Siampi teng ki pai kim thei ban ah Galtai Siampite leh Tangval Siangtho 4 te zong hong kihel kim thei uh ahih manun Siampite a kimpen ni leh hun ding sangin ki pawlcing zaw in nopci mah mah hi.