Catholic Nisim Lungdamna Laisiangtho. Hun Nautang Nipi Kaal (12) Na. 21.6.2026 (Sun)

Matthew 10: 26-33

22. Note in keima min hangin mi khempeuhte’ muhdahna na thuak ding uh hi. Ahi zongin a tawp dongin a kipte in hotkhiatna a ngah ding uh hi.
23. Amaute in khua khat ah note hong bawlsiat uh leh, khua dang khat ah na tai un. A man takpi kong genin ah: Israel gam khuapite khempeuh na sikkim khit ma-un Mihing’ Tapa hong pai ding hi.
24. “Nungzui khat in a siapa sangin ahi zongin, sila khat in a topa sangin ahi zongin lianzaw lo hi.
25. Nungzui khat in a siapa bangin, sila khat in a topa bangin ahih leh ama aadingin kicing khin hi. Innkuan lutang pen ‘Beelzebul’(e) a kicih leh, a innkuanpihte tua sangin kici zaw kan ding hi!
26. “Tua ahih manin amaute na kihta kei un. A kilangkhia lo dinga, a kiselcip zo bangmah omlo hi; theih loh dinga a ki-imcip zo zong bangmah omlo hi.
27. Khuamial sunga kong gen thute khuavak sungah na tangko un. Hong kihuau sim na zak thute innkhum dawn panin na tangko un.
28. Pumpi a thah theih hangin kha a that thei lote na kihta kei un. Hell khuk sungah pumpi le kha a susia theipa na kihta zaw un.
29. Gitta nih in dangkasan pek khat man lel hilo ahi hiam? Ahi zongin na Pa uh a thukim lohin tua gitta khat nangawn leilak ah mawk kiat lo ding hi.
30. Na lu tung uh a, na samzang mal phazah uh zong kisim khin hi.
31. Tua ahih manin, lau kei un; note in gitta tampi’ sangin na manpha zaw uh hi.
32. “Tua ahih manin mite’ mai-ah kei hong sang peuhmah vantunga om ka Pa’ mai-ah ka sang ding hi.
33. Ahi zongin mite’ mai-ah kei hong nolh peuhmah, vantung a ka Pa’ mai-ah ken zong ka nolh ding hi.”

Hi in Topa’ Lungdamna Laisiangtho ahi hi.