Venezuela ah Zinliingna
Venezuela ah apiang akhuah mahmah (7.2) le (7.5) Zinliingna hangin atawm pen mi 164 bang si a, inn le lo tampi kisia ahih manin Venezuela gam ading in Pope Leo XIV in Catholic Pawlpi mintawh huhna 100,000 Euros (Apostolic Almoner’s Office) tungtawn in pan pia hi. Tua bek thamlo in hih zinliingna nasia takin a thuakna mun te ahi, La Guairs leh Venezuela gam bup ading akisamnate ah Holy See panin zong huhin panpih lai ding ci-in zong gen hi.
Hi bang zinliingna hangin a si te’kha te, liamma angah mite leh inn le lo kisia Venezuela Catholic u le naute ii tuak gentheihna in leitung bup aom thu um mite ii hehpih theihna lungsim hong lawng mahmah thu hi. Alianbel Siampipa in hi bangin huhna panpihna apiak pahna in leitung thu ah huhna sangin genthei dongtuak tu le ta te tawh a kibangin Topa Pasian ii itna pen a lak, Catholic Pawlpi ii hehpihna man taktak ahi hi.
Pawlpi in Venezuela gam mite ading, sum le paai tawh huhna panpihna bek tham lo-in lungsim tha khauhna angah kik zawh nading uh leh amaute huhna hotkhiatna nasepnate a lem theih nading thungetna tawh panpih nadingin hong hanthawn hi.
#PopeLeo #VenezuelaEarthquake #PrayForVenezuela #VaticanRelief #CatholicCharity #ApostolicAlmoner #SolidarityInFaith #RVA #RVATedimChinService
