Four-Day Retreat for Diaconate Ordination Successfully Concluded (4 July 2026)
Kalay Diocese hongcing hongkem His Excellency Bishop Felix Lian Khen Thang vaihawm siamna tawh July 11, 2026 ni-in Sts. Peter & Paul Biakinn pi ah Deacon suahna angah ding Tangval Siangtho (4) te Pasian thu lungngaihna pen June 30 ni nitak pan ki pan July 4, 2026 ni nitak in nuam tak in man siang hi.
Hih Pasian thu lungngaihna pen Rev. Fr. Augustine Thang Ngaih Pau (LWMT) in makaih in Kalay Diocese Pastoral Centre ah ni (4) sung nuamtak in Pasian thu lungngaihna neih pih hi.
Hih Deacon a suak ding Tangval Siangtho te in a maban uh limtak in a zopzawh ciat nangun thu ngetsak ciat ni.
