Misiangtho Bonaventure Pawini. (July -15)

Misiangtho Bonaventure 1221 kumin Italy gam, Bagnoregio ah suak hi. Kum 22 aphak hunin St. Franciscan Order ah lut in amin zong John pan Boneventure in laih hi. Pilna aman dong asin zawh na dingin Peris ah amah ki puak a, St. Thomas Aquinas tawh ki thei uh hi.
St. Thomas in pilna bul pi bang hiam ci-in a dot ciangin Bonaventure in Singlamteh (Crucifix) lak hi. A mah maitai den aa, tua bang a maitai den zawhna in, “kha thu sungah nopsakna in mihingte’ lungtang sunga om Pasian thupha ii alian pen lim hi” cih a kam mal alak khiat na ahi hi.
Kum 35 a phak ciangin St. Franciscan Order ah Minister General ding in teelna ngah hi. Ni khat St. Thomas ama kiangah ahawh dingin pai a, Misiangtho Francis thu lunglut tak in a-at Bonaventure kongkhak pan amuh ciangin “Misiangtho in Misiangtho ading asep zawh nading in koih ni” ci- in mun dangah pai khia kik hi.
1273 kum in, Pope Gregory X in Cardinal suah nading thu a puak dingin Rome pan palai pai sak hi. Amaute in Bonaventure i pakan a sil laitak va mu uh a, a nasep khawl nuam lo a hih manin, a gei aom, singkung tungah amau puak Cardinal puante khai sak hi. Bonaventure in 1274 kum in Piantit gam, Lyon ah meeting kah ding apai lai tak in si hi.
MisiangthoBonaventure aw…kote adingin thu hong ngetsak tan.