Two-Day Parents’ Renewal Seminar Held at Sts. Peter & Paul Parish, Kalaymyo (24–26 July 2026)

Nu leh Pa Pawi muakna dingin Sts. Peter & Paul Parish, Kalaymyo ah ni nih sung Pasian thu sinna nasia takin ki bawl hi. Tua sungah Nu Leh Pa te mi (200) kim hihel thei- in tha ki ngah mahmah hi.

Hih ninih sung teng pen Sts. Peter & Paul Parish acing akem Rev. Fr. Maximian Pau Sian Mung, Kalay Diocese Social Communication Director leh RVA Tedim Chin Service a makaih Rev. Fr. Joseph Thang Nen Zo Mung leh Kalaymyo aa om Assumption Intermediate Siampi sinna sangah (Rector) sang ukpi a sem Rev. Fr. Paulinus Thang Muan Lian te in tintan piakna nei uh hi.

Tua sungah Fr. Maximian Mungpi in Canon Law tawh kisai Nu leh Pa te leh tate aa ding vaipuak thupi lian a theih huai Pawlpi ii hong hilh thu te hilh cianna nei hi.

Fr. Joseph Zo Mung in Liturgy Biakpiakna tawh kisai a theih huai thuthuk te leh a diakdiak in Missa Biakpiakna sunga gamtat zia, Biakpiakna sunga vanzat te leh Siampite ii puansialh te, vanzat te a khiatna, a deihna te hilhcianna nei hi.

Fr. Paulinus Muan Lian in Pawlpi tangthu tawh kisai ni dang lai Pawlpi kipat tunga a piang thu te, tu hun aa thupiang te leh Pawlpi sungah a theih huai Mission na sep zia te leh a ma ii a thuah khak thu thuak a theih huai thu te hilhcian na nei uh hi.

Tintan hun sungin Siampite in ni khatin nai nih sungta a hilh khitteh nai lang sungta dotna leh dawnna hun om ahih manin thusin te in zong a telcian loh thute uh limtak in dong kik theih uh a hih manin cim hun omlo in hunbit in ki lawp thei mah mah hi.

Hih bangin Pasian thusinna a ki bawlna hangin Parish sung ah Nupi leh Papite thutheihna khangin upna lamah a kumkum in ki piciang semsem ahih manin lungdam huai mahmah hi.

July 26 ni-in Sts. Peter & Paul Biakinn ah Nu leh Pa Pawi Missa Biakpiakna tawh limtakin ki bawl in Missa Biakpiakna a man khit ciang Khangnote in Nu leh Pa te zahtakpiakna leh letsong piakna nasia tak in bawl uh hi.