Monthly Recollection for Diocesan Staff Held at the Diocesan Centre, Kalaymyo, Aug 28, 2026 (Fri)

Tuni Kalay Diocese sunga Zum nasem te ii khat sim in a bawl uh Pasian thu lungngaihna pen Rev. Fr. Mark Khai Khan Dal makaihna tawh nuamtak in ki bawl hi.

A mah in Misiangtho Augustine ii tangthu te cing tom kim in zum na sem te ii etteh theih dingin hilhcian na nei hi.Tua khitteh Pasian thu lungngaihna, Mawhsutna leh Khikhinna te a ngeina bangin ki bawlin a tawpna ah Missa Biakpiakna tawh ki man sak hi.

Missa Biakpiakna sungah Fr. Mark in meivak tawi in a kigingsa in a om Nungak pil 5 leh a kigingsa in a omlo nungak 5 te thu bulphuhin ih kha nuntak nadingin meitui a kigingsa in ih om den ding leh Zum nasepna leh inn nasepna, ih kha aa ding na ih sepna cih te khen tel thei in a vekpi-in a hun hun in sep ding zia hilhcianna pia hi.

Tuni Pasian thu lungngaihna Missa Biakpiakna sungah Siampi (3) leh Zum nasem te (50) kim kihel thei in hun dang te sangin mikim thei zaw cih ding hi. Mailam ah ih Diocese sungah na hoih tampi a ki sep zawh sem sem nangin Zum nasem te a dingin thu ngetsak ciat ni.