Happy 71st Birthday His Holiness Pope Leo XIV. May God Bless You (14.9.2026)

*****

Tuni pen Alianbel Siampipa Pope Leo XIV ii kum (71) a cin ni ahi hi. Ama Pasian nasepna te a tangzai semsem nang thu ngetsak ciat ni.

Hih man pen tu kum June Kha sungin Pope Leo leh Kawlgam pan Siadaw teng kimuh khopna hun khat a neih khit uh teh Pope Leo in Kawlgam thu vei-in thei nuam semsem ahih manin Rome ah Sangkah in a om Jesuit Siampi Rev. Fr. P. V. Joseph Cin Hau Mang tawh ki muh khopna hun khat nei-in tua sungah a piak Zodial tawh a kizaihna man ahi hi.

Rev. Fr. P.V. Joseph pen hun khat lai-in Tanpho, Hakha Diocese ah om in ama om sungin gal tai uh a hih manin galtai masa pawl leh ih gamsung buaina hangin hamsatna tampi a thuak, mipite gentheihna te a thei leh a thuak pih Siampi khat ahih manin a ma tuah khak hamsatna te zong Pope tawh ka kimuh hun sungin ka gen thei hi ci-in Pope in Myanmar gam mite a veina leh thu a ngetsakna thu RVA Tedim Chin Service ah genna hong nei a hih manin lungdam huai mah mah hi.

Amah in Pope Francis leh Pope Leo pen ih Zodial na pia-in awhsak pah thei ahih manin Rev. Fr. P.V. Joseph tungah zong Diocese min tawh lungdam ih ko hi.

Tuni September 14 ni pen ih Pawlpi in Topa Jesu ii Singlamteh tawh gualzawhni Pawi hong bawlsak hi. Tua ahih manin ih Pope aa ding thu ih ngetsak kawmin ih puak Singlamteh ciat pen puaksiam in ih Topa Jesu tawh gualzawhna pawi ih bawl khawm zawh nang hanciam ciat ni.