Misiangtho Januarius Pawini.(September 19)

Misiangtho Januarius in AD-272 kumin Italy gam, Benevento ah suak hi. AD-305 kum, Diocletian’s uk sung, pawlpi a ki bawlsiat mahmah hunin Januarius in Benevento khua ah siadaw panmun a let lai takin Deacon nih leh thuzui nihin amau upna hangin ki man uh hi cih thu a zak ciangin amaute thapia dingin pai ding khentat hi. Ahi zongin tua thuzui kimante kiangah a paikhiat ma-in amah zong kiman a, gan gilo te nek dingin gan khawina ah kikoih hi.
Ahi zongin gan te in amah ne lo banah bang mah na cih lo ahih manin angawng tan in that uh hi. Ama si san pen tui piang a, tua a lamdang thu hangin Januarius minthang semsem hi. Naples khua, biak inn khat ah a si khal ki kem in kum khat thum vei ta mipi te ki lak hi. Khat veivei siampipa in tua si khal koihna bung a bungbulet koih khak ciangin Missa sunga lenggahzu in sisan in ki laih hi.
Tua si san bek hi lo, a dang vang liat nate zong ki sit a, a si khal in tui a suak na thu zong a nial zo mipil khat zong om lo hi. Paunak a om mah bangin “a um te adingin nalamdang lah ding ki sam lo hi. Ahi zongin a um lo te adingin a kicing na lamdang khat zong om lo hi”. Misiangtho Januarius pen Naples khuamite acing, akem misiangtho in ki ciamteh hi.
Misiangtho Januarius aw…Ko te adingin thu hong ngetsak tan.