Misiangtho Carlo Acutis Pawini. (Oct – 12)
Misiangtho Carlo Acutis in 1991 kumin, England gam, London ah Pa Andrea Acutis le Nu Antonia Salzano te sung pan suak hi.
Carlo ii NulePa te in mihau Italy minam te ahi uh hi. Amaute in Italy minam ahih uh hangin, Carlo asuak ma in London leh Germany te ah nasem in om kawikawi uh a, Carlo a suah zawh kha 4 khit ciangin Italy gam, Milan ah kituah in tua ah teeng uh hi.
Carlo in kum (7) aphak hunin amasa pen Siangtho Pumpi sanna ngah a, tua hun mahin Siangtho Pumpi tungah upna muanna kip nei in, Siangtho Pumpi in vantunggam tun nading amanlang pen lampi hi ci-in gen hi.
Amahin nisim in Missa kahin mawhsutna zong nei den a, Khi thungetna zong anei den naupangno khat ahi hi. Aneu tungpan kipan lawm le gual te tungah hehpihna nei in, adiak diak in a dam lo naupangte tungah itna leh hehpihna nei pha mahmah hi.
Carlo in Jesuit sangah pilna sinin lai pilna bek thamlo, video game leh tukpek kimawlna te zong a uuk khat ahi hi. Ahi zongin amahin amah le amah aki kepna in kaal khat ah nai khat sungta game kimawl hi. Tua banah computer programming tawh kisai laibu te lei in, computer code leh lim cartoon te sin hi.
Ama ngimna in Siangtho Pumpi tawh kisai vangliatna te sim theih nading website khat bawl ding cih ahi hi. A nulepa te kiangah pawisim ding leh misiangtho te thu, Siangtho Pumpi vangliatna thu te kan dingin aphalna anget hangin ama damlohna hong kipan hi. 2006 kum, October 8 ni-in ama natna si cancer ahihna thei khia hi. Tua hun in amah kum (15) pha pan hi. 2006 kum, October (12) ni-in Italy gam, Monza ah si hi.
Misiangtho Carlo Acutis aw….Kote adingin thu hong ngetsak tan.
