Feast of Catechists Celebrated on World Mission Sunday at St. Mary’s Cathedral, Kalaymyo. KALAYMYO, Myanmar

World Mission Sunday ni Msgr. John Deng Cin Khup, Rector of St. Mary Cathedral ii vaihuam siamna tawh St. Mary’s Cathedral aa a sem thuhilhsia te pahtawina nasia takin ki bawl hi.

Tua pahtawina hun sungin St. Mary Cathedral Parish ahuh Siampi Rev. Fr. James Lian Sian Kham in Pawlpi sungah thuhilhsia te ii thupitna leh amaute ih zahtak theih nang aa ki pan amaute in zong hanciam takin a sepna uh tawh kizui-in Pasian in thupha pia ding hi cih thu te kiciantakin gen khiatna nei hi.

Tua khitteh Khangnote tung pan la dawngkhat leh Pasian thusin naupangte tung pan la dawng khat cih bangin lasak na ki nei hi. Tua banah Parish min, khawl min leh kipawlna tuamtuam te pan ki pan mimal in letsong piakna ki nei hi. Letsong piakna ah sumlepai bek hilo in buhtangin zong ki pia in tha kingah thei mahmah hi.

Thuhilhsia teng tangin Cate. Stephan Gin Sian Khai in lungdamkoh thugenna nei-in tua banah Sia te nuntakna a hamsatna te zong thuzuite telsiam theih dingin gen khiatna nei hi.

Ama genna ah Sia te pen Biakinn pan Sia ih hih hang ih sungte kiangah pai leng sawltak a kisem hi-in vok khawng a ki matsak bek thamlo in ih inn ah zong Zite sawltak in ki om thei mawk ahih manin Pasian nasepna ah thanem na zong tampi om thei kha ding ahih manin tua te zong hong telsiam un ci-in thuzuite kiangah thuumna thu zong gen hi.

A tawpna ah thupha piakna leh Siate leh thuzuite, Pasian thusin naupangte noptal in mankilak na leh holimna hunnuam zatna te ki nei-in World Mission Sunday ni pen Siate pahtawina hun in nuamtak in ki zang hi.