Christu Singlamteh en in.

Zingsang ka thawh simin ka lukhung gei a ka koih Jesu singlamteh en in ka gen den kammal khat om hi. Tua in,

“Topa aw…kei adingin tuni in kanuntak nunung ni ahi kha diam. A zenzen in ka nunung ni ahih khak leh tuni sung tawntung na thuphate pawkin hoih takin ka nuntak zawh nading hong hun in. Amen.”

A taktak in hi banga ka thunget theihna in ka kha lam hong makaih pa i hong hilh ahi hi. Jesu Singlamteh in Christian nuntakna ah thupisa in i zuih ding leh i nuntakpih ding lampi ahi hi.

Pasian na theih nop leh Christu Singlamteh en in.

Pasian na it nop leh Christu Singlamteh en in.

Mong neilo, a bei thei lo Pasian’ itna na theih nop leh Christu Singlamteh en in.

Pasian itna pen midangte kiangah na hawmkhiat nop leh Christu Singlamteh en in.

Nang kua hi a, nang ii thupitna bang hiam cih na theih nop leh Christu Singlamteh en in.

Hell kongkhak panin koi ci bangin hotkhiatna ngah cih na theih nop leh Christu Singlamteh en in.

A si, amang thei lo na kha pen Pasian in bangzahin hong honkhia nuam hiam cih na theih nop leh Christu Singlamteh en in.

Vantunggam paina lampi, kua in lam hong lak ding hiam cih na theih nop leh Christu Singlamteh en in.

Hoihtak, nuamtak in nungta in na om nop leh Christu Singlamteh en in.

Sihnuam tawh na nuntakna hun na beisak nop leh Christu Singlamteh en in.

*Look at the Crucifix