Mihing Hihna

Duh khempeuh kine loin, duhloh khempeuh zong a kinelo hipah lo hi. Nektuak leh kine hi. Tua in mihing hihna ii manphatna ahihi.

Duh khempeuh kidawn loin, duhloh khempeuh zong a kidawnlo hipah lo hi. Dawntuak te duhta keileng kidawn aa, dawntuak lohte duhmah taleng kidawnlo hi. Tua in mihing hihna ii manphatna khat mah ahihi.

Uut manaa i-sep a om teei hangin, nuntakna dingpen uutta keileng sepkul aa, uutta keileng paikul zel hi. Tua in zong mihing hihna ii khiatna khat na hi gige hi.

Uutuut aa ih omtheih hunpen neusenlai nite hi aa, tua thu hangin, “sen lehkik theileng maw” ci in, neu senlai nite ih zuanlawh liang hi. Tua zong mihing hihna ii khiatna thupi khatmah na hi veve hi.

Uut le lum, uut le tho, uut le sem, uutkei leh semlo ziau, cihte pen mihing picing ngeilo dingte ii nuntakzia ahi hi. Banghanghiam cihleh tuate in mihing hihna tawh a kilehbulh nuntakzia ahihman ahihi.

Uutbangbang bek aa om nopna in mihing hihna ii manphatna kiamsak aa, mi hing hihna ii thupitna beisak zaw lai hi.

Fr. Damian Dal