Tonu Maria ii a kisel thuthuknate
Pasian’ Nu
Greek lai a tomin “Θεο τόκος” (or) “Theotokos” cihna in Pasian ii Nu, Tonu Maria cihna ahi hi.
Kham lukhu
Tonu Maria ii lukhu in kumpi nam te lim lahna hi.
Aksi
Ih Tonu in puan tawh a lu a khuh ciangin aksi ki mu den hi. Tua aksi in Topa Jesu hong kumsukna thu a gen, Aksi pi lim lahna hi. Tua banah tua aksi in lungmuanna gunpiau ah eite hong puak aksi hong lahna hi.
Tonu Maria mittang
Tonu mittangin itna, hehpihnate tawh kidimin leitung aom ama tate ahi, eite a tawntungin hong donin hong en den hi cihna hi.
Tonu kam/muk
“Pasian mai ah dai takin i om ding hong hilh hi.”
“Ama nuntakna sungah daihna, phawkna leh thungetna te” hong lak hi.
Tonu silh a ang a san mel puan in Topa Jesu hun (AD 33) hun lai a nungakte silh puan mel hi. Tua in Tonu Maria in a tawntung in nungak siangtho ahihna lim lahna hi.
A dum mel puan in Palestine aom nupi te silh puan mel hi a, Tonu in nungak siangtho leh Christu Topa adingin Nu ahih tawntungna hong lak hi.
Kham mel puan
Kham mel puan in vantung gam lim lahna hi. Tua in Christu Topa leh Tonu ii silh puantual pan hong taangkhia vang ahi hi.
Topa Jesu puan ii deihna leh khiatnate
A eng mel
Topa Jesu in mihing taktak ahihna hong lak hi.
A san mel kawnggak
A kawng ah a san mel kawnggakin eite ii hotkhiatna ngah nading in a kibua Topa Jesu ii sisan lim lahna hi.
A puan-ang a kham mel
Topa Jesu ii kham mel puan-ang in thawhkikna lim lahna hi.
Tonu ii khut
Topa Jesu ii khutte in Tonu khut sungah a khutpeekte ngaphei hi. A deihna in Tonu leh tapa Jesu te ii lunggulhna kicing in kithutuakna lim lahna leh hotkhiatna nasepna ah Tonu zong a kihelna thu lahna hi.
Tonu veilam khut
Amahin Christu ii lungtang a neihna leh huhna a kisam mite a hehpih khut ahi hi.
Topa Jesu maitang
Topa Jesu ii pumpi in naupang khat ahih hangin ama maitang in picinna tawh kidim in ama nuntakna kum tawh kituak lo-in pilna aneihna hong lak hi.
Topa Jesu ii khe leh a khedap
Naupangno Jesu ii khe ah a thuah khedap in leitung tawh kisai lunggulhna te nusia in Tonu hehnepna sungah thala in a taina hong lak hi. Amah in manlang takin a tai zawh na dingin a khedap nangawn suahkhia hi. Naupang Jesu in a khedap khau a sutna in eite in Tonu zahtakin ih belh ding lim hong lak ahi hi.
Greek kam ICXC in “Topa Jesu” cihna hi.
