Catholic Nisim Lungdamna Laisiangtho.Zehtanhun Nipi Kaal (4) Na.31.3.2025 (Mon)

John 4:43-54 43. A ni nih ni khit ciangin Galilee zuanin amah a pai hi. 44. (Bang hang hiam cih leh kamsang khat in ama khua ama gamah pahtawina ngah lo hi,” ci-in Jesu mahmah in a genkhia ngei hi.) 45. Galilee ah a tun ciangin Galilee mite in amah a na muak uh hi. Bang hang hiam cih leh, Jerusalem khua pawi bawlna ah amaute zong pawi simin pai uh a, a bawlnate khempeuh a mu uh hi. 46. Tua khit ciang in tui, leenggahzu a suahsakna mun, Galilee gam Cana khua ah hong paikik hi. Tu-in Capernaum khua ah kumpi nasem ulian khat’ tapa cina-in a om hi. 47. Tua pa in, Judea panin Galilee ah Jesu hong tung cih a zak ciangin ama kiang ah pai a, a si dektak a tapa a damsakna dingin a thum hi. 48. Jesu in ama kiang ah, “Note in na lamdang le lim lamdang na muh kei uh leh, na um kei ding uh hi,” ci-in a gen hi. 49. Ulianpa in, “Sia aw, ka tapa a sih ma-in hong paisuk in,” a ci hi. 50. Jesu in ama kiangah, “Pai in, na tapa a nungta ding hi,” a ci hi. Tua pa in Jesu’ thugen umin a ciah pah hi. 51. Amah lamkal ah a om laitakin a silate in hong dawn uh a, “Topa aw, na tapa a dam khin zo hi,” ci-in a ko uh hi. 52. Amah in a tapa a noptuam hun a dot ciangin amaute in, “Zan ni sun nai khat* hunin a cisanat a dam hi,” a ci uh hi. 53. Tua hun in, “Na tapa a nungta ding hi,” ci-a Jesu in a gen hun lian ahi hi, ci-in a theih ciangin, amah a kipan a innkuanpihte khempeuh in amah a um uh hi. 54. Hih na lamdang pen Jesu in Judea gam pan Galilee gamah hong tun’ khit cianga a bawl a nih veina ahi hi. #RVA, #RVAZomiChinService, #KalayDiocese, #DailyBibleReading,