Tu hun leitung pai zia i et ciangin, hi bang pumpi nate zang in gamtatna (gesture) pen a lamdang tawh ki bang hi.
Bang hangin mi khat peuh in a diakdiak in Biakinn sungah zungbulh nam a hi hiam?
Ahih hangin, Laisiangtho sungah napna pen a khiatna nei lo, hi lo hi. Tua pen siangtho hi, ci hi.
📖 Thuciam Lui LST sungah, napna pen zahtakna sang piakna (reverence), pahtawina (honour) leh kiciamna (covenant) lim (sign) khat ahi hi.
Kamsang Samuel in Saul kumpi Sathau a nuh/nilh ciangin, LST in hi bangin gen hi:
Samuel in sathau thawl khat la-in Saul’ lu tungah sathau buak a, tua ciangin amah NAM in, “TOPA in ama mi Israel mite’ kumpi dingin nang sathau hong nilh khin hi. (1 Samuel 10:1)
Tua NAP na in?
Pasian sathau nilhpa tungah ki-apna’ lim (sign of submission).
Ki hihsak na’ng utna hi lo hi. (Not flattery)
Milim biakna hi lo hi. (Not idolatry.)
“Nang in Pasian’ teelna a ngappa na hi hi,” ci-a, a siangtho အသိအမှတ်ပြု na (acknowledgement) ahi hi.

📖 Thuciam Thak LST sungah, tanglai Christiante tungah kigen hi:
“A siangtho KINAPNA tawh note khat le khat na kihopih un.” (Romans 16:16)
“Sanggamte khempeuh in zong note hong hopih uh hi. Note khat le khat a siangtho KINAPNA tawh na kihopih ciat un.”
(1 Corinthians 16:20)
Hiah zong, NAPNA in siangtho hi.
NAPNA in Christu sungah kipumphatna (unity), kilemna (peace) leh kipawlkhopna (cooperation) kusapiuh hi.
Tua ahih leh Bishop (Siadaw) khat ahih kei leh Pope ii zungbulh NAPNA tawh bang kizopna om ahi hiam?
Kizopna nei gai hi. Bang hang hiam cih leh bishop pa pen mi nautang khat lel hi lo hi.
Amah pen Nungzuipite’ zaaluahpa hi-a, tuute a hung (guard) ding tuucingpa ahi hi.
Amah in a zungbulh pen kizepna ngun le khamh bangin hi lo-a, kha thu ah Pawlpi tawh kitenna lim, Christu ii a zi tawh kikhen ngei lo kigawmna lim in a bulh ahi hi. A kisap leh zong a sih dongin amah in tua Christu ii zi, Pawlpi nasem a, dal in, a it kul hi.
👑 A lian bel Siampipa Pope kiangah na va naih ciangin, mi minthang khat tawh va kimu na hi kei hi.
Peter’ zaaluah Pa, vantung gam’ tawhtang a ki-apna Pa, (Matthew 16:18–19), Christu ama taangh aa, leitungah a om Pa tawh a kimutuah na hi hi.
A zungbulh pen Ngasa bengpa’ zungbulh kici a, kha-te matna ngeen paai dingin Peter in sapna ngah hi cih phawksakna ahi hi. Tua a ki bang mission pen ama’ zaa a kiluah ciangin tua a luah Pa sungah kizom in nungta hi.

💋 Tua ahih manin, tua zungbulh na NAP ciangin, zungbulh bulhpa’ mel le sa (personality) mai-ah a lukhuun na hi kei hi.
Christu amah ngiat in kipsak in a piak nasepna (office) a zahtaak na hi hi.
Mite in Pasian’ kamsangte’ a khut-te uh a NAP mah bang lian in, tu in zong eite in Jesu’ min tawh thupiakna, ukna leh thu hong kihilhna tua khut-te zahtaakna sang (reverence) a pia ihi hi.
Hih pen a val lua, a pai khial upna (superstition) hi lo hi. A khiatna nei lo ngeina (empty ritual) hi lo hi.
Hih pen upna tawh kisai NAPNA (kiss of faith), lungdamna tawh kisai NAPNA (kiss of gratitude), Nungzuipite tungah cihtakna tawh kisai NAPNA (kiss of apostolic loyalty) ahi hi.
Tua ahih manin, hun khat teh khuk din in, bishop (siadaw) ahih kel leh a lian bel Siampipa (Pope) ii zungbulh na nap ciangin,
“Na tuuno, kha an nong vak manin lungdam ing.”
“Pawlpi na hungh manin lungdam ing.”
“Peter’ khe khap zui-in Singlamteh na puak manin lungdam ing.” na cih kawm in, Christu’ sathau nilh Pa a siangtho napna tawh a hopih na hi hi cih thu phawk in.

🕊️ Laisiangtho sunga napna in kiciamnate (covenants) kipsakna seal tuum hi.
Hih napna in eite in Christu tungah zahtakna sang i piakna pen a Pawlpi sungah kipsakna seal a tuum ahi hi.
Hih pen Pasian’ thusinna (theology) a kimu thei in lahna ahi hi.
Hih in itna a kilangh in lahna ahi hi.
Hih in pupa khang kizom ngeina a siangtho in lahna ahi hi.

Mimal kim Topa’n thupha hong pia ta hen! 🙏

CatholicsOnlineClass- Manglai a let ihi hi.