Mikim theihhuai thu
Tu sung tengin apiang phadiak ahi, lupkawmin sisuak hi, koi bangin si hiam cih thu mikim theih dingin hong hawmsawn nuam ing.
Thawhtung phetin zuih ding
Mi kim ading in thupi ahih manin Siavuan khat ii genna hong hawm sawn ning.
Zan lup khit ciangin zun tha nuam in khanglawhna hitale, zingsang thawh tung hitale lupna pan thawh phetin mikimin Minute lang thum vei zuihna tawh si vat cih thu hong tawm tuam sak ding hi.
A cidam mahmah mikhat, zannitakin si cih bang, a bang cia, zannitak mahin Face book ah ka ki ho lai a, tun si vat cih bangin tusung teng ih za phadeuh hi, bang hang hiam?
A hangin nitakin zan lup khit ciangin zun tha dingin thawhvatna pan khuak sungah si apuak ding a tawmvat man hi.
Zankimlai in zun suak manin khanglawh bek tawh zong lungtang nasepna ECG kikhel ta hi, tua sungah thakhatin thawhvatna tawh khuak sungah sisan tawmin lungtang ii nasepna siasak thei hi.
Khuak sungah lungtang kisaina akem Cardiac Certer, Vasomotor Center cihte om hi.
Zuih ding Minute lang thum vei
Banghang banghang in na khanglo zongin na khanglawh phetin tho to pah seisai kei in, hi thu phawk sawm denin.
1. Amasa Minute lang….Na ihmutna pan na khanglawh phetin minute lang sung, lupna sungah lum hithiat photin.
2. Anihna Minute lang….Lupna tung mahah Minute lang tu photin.
3. Athumna Minute lang….Lupna pangah tu inla, na khetenihte khia suk photin.
Hi Minute lang thum vei zuihna tawh thawhphetin puukin khuak sung sisan tawmvatna, huih khamlohna cih hong tawm tuam dinga, si vat cih zong hong tuam tham ding hi.
Tua ahih manin hi thu pen na innkuanpihte, na lawmte, na veng napaamte kiangah hawmsawn in. Pil vang in. Khangham, khangno, naupang deidanna omlo in hi bang sih vatna piang thei hi. Hawmsawn cihin thupitsakna ahih manin theihsa ahi phial zongin a thakin ngaihsunin zui ciatni.
