BIL SUNG HOLHNA/SIANSUAHNA

Bil sung siansuahna in ahoih sepna khat ahih hangin ataktak in bilsung siansuah nadingin akibawl patkung in alauhuai mah mah gal namkhat ahi hi. Tua patkung zatna hangin bil sung siansuahna tawh a kibat hangin natna apia pia ihi hi.

PATKUNG ZATNA HANGIN APIANG HOIH LOHNA TE

The Piston Effect (ဖိသိပ်မှု အာနိသင်)

Bil vangin tuikhaihna kadawh tawh kibang hi. Patkung tawh bil ek lakkhiat ciangin tawm bang hong pai thei a, siangtho ta hi ci-in ih upmawh hangin a taktak in 90% bang pen bil sung lamah alut nading apuak tawh kibang zaw hi. Tua in bil sungah bil ek te ki henin bil vang bingna bulpi hizaw hi.

Bil sung ki keek thei

Bil sung pen a paa mahmah hi a, patkung tawh bil sung siansuah laitakin khut khialhkhakna, hetchia na cih te hi kha lehang bil sung athupi na mun dawt kha in khua zak theihna nangawn kisia thei hi.

Bil ii pianpih siangthona system kisia sak

Bil in amah le amah kisiansuah zawhna nei hi. Bil sungtawnga vun in bil ek lui te apua lam ah damdam in hong sawnkhia hi. Patkung zatna in tua banga bil ii hih zawhna susia in bil sungah aninte tam sak zawkan hi.

Bil thakna le gu lutsak

Bil ek in nin hilo in bil sungah natna lungno alut loh nadingin hong dal sak Protective Oil ahi hi. Patkung tawh bil sung siansuah pahpahna hangin bil sunglam keu sakin kitam sak hi. Tua ciangin bil sung thak semsem in patkung tawh khoih suk zel na pan bil sungah lungno lutin External Otitis hong piang hi.

Theihsakna

A zenzenin na bil sungah na khat peuhin hong dal bangin na thuak a, bil sung ging cih bang, bil na cih bang na hih le nang le nangin khoih/khel kei in. Bil tawh kisai Siavuante kiangah kilakin hoih takin siansuah ding i kithei sak nuam hi.

Na cidam nadingin nang le nang kikem siamin.