Nu leh Pa hong itna
1: Nu le Pa te in, ama uh ii mai lam sang in, tate tanute mai lam ding khual in lungkham pi den uh hi.
2: Nu le Pa in neihsa lamsa aki cing in aneih lo uh hang, tate tanute kicing tak in aom theih zawh na ding in bawlsak den hi.
3: Tate tanute i gen thei/ lungkham na/ buaina khempeuh, amate i thuak ding in sang den uh hi.
4: Leitung mi khempeuh in, hong mudah zong in, Nu le Pa in hong mudah ngei lo, hong it tawntung hi.
5: Nu le Pa in, pilna siamna a neih lo/ a thei lo uh hang, a tate le atanute uh pilna leh siamna thei/ nei te asuak sak nuam uh hi.
6: Amaute in ane lo adawn lo hang in, tate le tanuten ane adawn na hang in alungdam alungnuam te a hi uh hi.
Tate/ Tanute aw
Nu le Pa zawng in, neihsa lamsa aki tang cing lo hang., na mawh pai kei un, ahang in, azawng kawmkal in, note an hong ngawlsak lo, lungdam ko zaw in.
Nu le Pa in, na neu lai hong taisan, hong nusia lo dan mah in, nang zong na Nu le Pa, nazi natate hang in taisan, nusia ngei kei in.
Nu le Pa nang hang in khitui luang sak kei in.
Nu le Pa nang hang in, milak ah mai zum sak kei in.
Nu le Pa tung ah zahtahna pia den in.
Nu le Pa, agil kiel in koi kei in.
Nu le Pa, leitung ah anuntak laitak in lungdam sak in, lungkim sak in.
Nu le Pa aki tangsap na khempeuh na bawl sak zawh nading han ciam in.
Nu le Pa ading Biak Pasian kiang ah, thu nget sak den in.
Hite na bawl sak kei aleh Nu le Pa asih ciang kap kei mai in.
In honor of Parents’ day
Fr. Paulinus
