Kalay religious renew commitment to holiness during monthly recollection, Kalay Diocese, Myanmar (3.7.2026)

Kalay Diocese sunga om Pasian nasem Religious tengin Kha khat khat vei ta a bawl uh Pasian thu lungngaihna pen tu July kha aa ding July 3. 2026 ni-in Kalaymyo Servite Nungak Siangttho te sangah nuamtak in ki bawl hi.

Tua sungah Fr. Camillus Suan in “Siangthona Holiness ih cih midangte phattuamna ding na sepnopna lungsim neihna hi” ci-in a gen khitteh thu neihna Aana neih na pen a hoih lamin zatna leh a sia lam in zatna te gen in a hoih lamin zat theih nang thapiakna nei hi.

Missa Biakpiakna pen Fr. Joseph Zo Mung in makaih hi. A mah in Laisiangtho bulphuhin a thu gen na ah Thomas pen Topa Jesu a kilah laitakin a nungzui dangte teah om khawm lo ahin manin Topa Jesu thawhkikna te zong a up ding hamsa asakna thu bulphuhin Community sungah ki pumkhat leh kilem takin om khop ding a thupitna thu gen hi.

Missa man ciang group photo kila in tua khitteh sun an nek na tawh hun te ki man siang hi.