Msgr. Andrea Ferrante Munlai, St. Peter Parish aa om thuzui te tawh a ki muh khopna (July 10, 2026)

Rev. Fr. Robert Hau vaihawm Siamna tawh Pope ii tangmi in hong pai Msgr. Andrea pen Munlai Biakin panin nasia takin dawnna ki nei hi.

Biakinn sung panin Munlai Parish ii tangthu tom gen na nei in tua khitteh Msgr. Andrea in lungdamkoh na leh thapiakna thu genna nei hi.

Amah in Pope Francis leh Pope Leo in Kawlgam mite a itna thu a ngetsak den na leh a vei na thu te a gen banah hi bangin Biakinn dim in mi na om zihziah uh pen tha ngah mahmah ing. Note khat kim ciat in Pawlpi aa ding leh Gamlelei aa dingin a thupi leh a manpha mahmah te na hi uh hi ci-in thapiak na nei in thuzui mite in tha ngah thei mahmah uh hi.

Tua banah Pope ii deihna a hi khat leh khat ki-it ding, ki zahtak ding leh kilem takin nuntak khawm ding a thupitna thu te gen hi.

Hun man teh man kizaihna zong lungduaitak in mipi leh mimal tawh nei khawm a hih manin tha kingah mahmah hi.