NISIM KHI KHINNA IN NA NUNTAKNA HONG KIKHELSAK ZAWH NADING LAMPI NAM (3)

Nisim in tatsatlo in a siangtho khi khinna in nuntakna sungah alamdang mahmah kikhelna hong piangsak zo hi.

Hi in kha thu lam ah le nisim nuntakna ah deihtakin hong khangtho sak kha thu sungah exercise taktak hi a, ngeina ngaihsutin nget ding bek hilo hi.

Nisim khi khinna pen pelh lo in ngetna in nuntakna kikhel nading a lamdang thuphate hong puak thei hi.

Sasep silbawl buaina kawmkal pan tu kum sungin khi thungetna in na nuntakna koi ci bangin ahoih lamah hong kikhel sak zo ding hiam cih nam (3) hong hawm sawn ing.

Kha thu lamah hong khangto sak

Khi thungetna in Pasian le eite kikal ah kizopna hong khangsak semsem hi. Khi thungetna pan akingah lungdaihna in dawi mangpa ze-etna te hong nang zo sakin, mawhnate pelhin Pasian deihna bangin nuntak nopna lungsim hong kipsak hi.

Jesu Topa ii nuntakzia lungngaih ding lam hong lak (Meditating on Christ)

Khi thungetna sunga lungngaihna thuthukte in Jesu Topa ii mihing suahna, lungdamna thu tangkona, sihna a thuakna leh a thawhkikna cih bangin ama nuntakna khempeuhte hoih pha takin lungngaih theih nading in ahoih pen lam lak lim ahi hi.

Tonu mit tawh Topa Jesu etna in Pasian itna hong tel semsem sak hi.

Buaina tawh kidim nuntakna sungah ngeina hoih khat hong suak sak (Building a Routine)

“Hun ngah kei ing, buai lua ing” aci mite adingin khi thungetna in kha thu ah ngeina hoih pen khat ahi hi.

Tha khatin Khi gui khat khin ding hun ngah kei phial zongin lamsiauh kawm, mawtaw hawl kawm, nasep tawlngak hun sung cihte ah khi sawm khat ta in khenin ki khin thei ahih manin, bangzahtakin buaina tawh kidim nuntakna himahtaleh Pasian tawh hun piak theih nading a lem pen hi.

Fatima khua ah Tonu in hong hanthawn hi. “Khi thungetna ngen un. Leitung ah kilemna a om theih nading khi khin un.”

Khi thungetna pen eite ii kinai pihpen galhiam khatin zangin Pasian hong piak ding a lamdang thuphate sang ciatni.