Catholic Nisim Lungdamna Laisiangtho.Tonu Maria Pasian Nu Pawini.1.1.2026 (Thurs)
Luke 2:16-21
- Tua ahih manin amaute a manlangin pai uh a, Maria, Joseph le bawng an nekna kuang sunga kisial naungek a mu uh hi.
- Amaute in amah a muh uh ciangin hih naungek tawh kisai amaute kianga kigen thu a kizelsak kawikawi uh hi.
- Tuucingte’ thugenna a zate khempeuh in lamdang a sa uh hi.
- Ahi zongin Maria in ahih leh, tua thute khempeuh ciamtehin, a lungsim sungah a ngaihsun sun hi.
- Tuucingte in amau kianga kigensa bangin, a zaksa a muhsate khempeuh uh hangin Pasian’ vangliatna phatin a ciah uh hi.
- A ni giat ni, naungek a vun a ki-at khit ciangin, amah a kipaai ma-a vantung mi in a phuah kholhsa mah bangin a min Jesu a phuak uh hi.
Hi in Topa’ Lungdamna Laisiangtho ahi hi.
