“Mit tawh muh theih loh hangin lungtang tawh teltakin muh theihna in leitung ii alianpen khua vak hi.”
Valentina
Zanni, June, 10 ni-in Khutsiamna nei mipil pa Antoni Gaudi ii sih zawh kum (100) cin phawkna, Sagrada Familia Biakinnpi thupha piakna pawi ah apai, leitung mun tuamtuam pan makaipite le thuzui a tul a then sim te mittui luangsakin, a lungtang uh a sukha sak kimuhkhopna lamdang khat piang hi.
Tua thu in kum (13) apha, mit khua hoihtakin amu zo lo numeino Valentina in mipi tampite lamdang a sak mahmah ding khua vak puak khat hong suak hi.
Valentina in Leber Syndrome akici, mit khua muhloh natna nam khat nei in ham ciam takin leh lunglut takin a et ciangin khuavak tang le na te ahi milmial in mu thei bek hi.
Ahi zongin amah in hih ni thupi ni in, Spain gam ii kumpi (King Felipe), kumpinu (Queen Letizia) leh Pope Leo XIV te mai ah hangsan takin Sagrada Familia Biakinnpi ii Tower of Jesus thu te a lamdang takin hoihtak tel takin genkhia hi. Amah in a kam bek tawh a gen hilo in tua Jesu Topa tau sang (Tower of Jesus) lim zong amah mahin Pope leh Kumpipa, Kumpinu te mai ah suai lai hi.
Valentina in tua bangin Sagrada Familia Biakinnpi le tau sang (Tower of Jesus ) te thu kician tak leh ki tel in a gen khit ciangin amah mahin ama lungsim ngaihsutna tawh a suaih lim pen Pope pa pia hi.
Spain kumpipa in Valentina a pahtawi mah bangin, kumpinu in zong ama kiang pan kihal loin lungdam mittui te tawh tua naupang nu en in a lungsim sukha mahmah hi. Pope Leo XIV in Khi (Rosary) khat thupha pia in a citak Valentina ii khut sungah pia hi.
Leitung ah siangtakin a mu thei mihing te, a taktak in na khat pen “lungtang tawh hoihtak in et na” in bang hiam cih pen mit khua mu lo numeino khat in teci lakin hong hilh hi.
Khat vei vei ciangin eite in Pasian thuphate, a thuthuk hong lahnate ih mit tawh mu napi in i lungtang sung taw thei hi.
Antoni Gaudi in amah in ama mit tawh a tawp dongin amuhkhak loh hangin hi Biakinnpi pen kum (40) sung, ciampel lo in citak takin a lam mah bangin, Valentina in zong a khan tawn in mit muhna angahlo ding ahi phial mah zongin Jesu Topa tau sang pen ama lungtang sung pan itna tawh kha tampi sung na kan hi.
Hih in ei Catholic thuzuite ii (Eyes of Faith) upna mit thu hong lak ahi hi. Mit tawh aki mu lo Pasian pen lungtang tawh upna in leitung muhna sangin azah tampi in thuthuk zaw hi.
