MISSA BIAKPIAKNA NGIMNATE II VANGLIATNA
Catholic Pawlpi in, a Siangtho Missa Kithoihna pen a sang (thupi) pen thungetna leh a sang (thupi) pen biakpiakna hi ci-in a hilh hi.
Missa Kithoihna ngimna tungtawn in, mi khat ahih kei leh kisapna khat aading, biak tau tungah a kibawl Christu’ ii a picing biakpiakna tawh thuzuite in amau’ thungetnate gawm khawm thei uh hi.
Missa biakpiakna ngimna khat pen a nungta lai te leh a sisate aading a kipia thei kha tawh kisai a lian pen letsongte lak ah khat ahi hi.
MISSA BIAKPIAKNA NGIMNA ICIHIN BANG AHI HIAM?
Missa biakpiakna ngimna khat icih in
ngetna khat aading a tuam vivel thungetna hi-a, tua aadingin Siampi khat in a Siangtho Missa Biakpiakna (Kithoihna) pia (bawl) hi.
• Tua pen a nungta lai mite ahih kei leh a sisa mite aadingin a kibawl hithei hi.
• Tua pen sansa thuphate lungdam kohna in a kibawl hithei hi.
• Tua pen kisapna tuamtuam, cidamna, kikhelna ahih kei leh kalsuanna ding lamlahna – aading a kibawl hithei hi.
• Tua in Missa biakpiakna sungah a om Calvary mual tungah Christu in a bawl Ama’ biakpiakna (Kithoihna) tawh eite’ NGIMNATE hong gawm’ khawmsak hi.
Missa biakpiakna ngimna tungtawnin, Pasian’ mai ah i nget i thuumnate Pawlpi ii a vanglian pen thungetna sungah a ap ihi hi.
A NUNGTA LAI MITE AADING
A Siang Missa Biakpiakna in tua biakpiakna a kibawlsak mite tungah,
• A pumpi le a kha sunga damlohnate pan damna.
• Ze-etnate leh haksatnate a tuak khak sungin thuakzawhna ding tha le ngalte.
• Kikhelna aading leh siangthona lam ah khantona aading.
• Innkuan sungah akisam thuphate, Pasian’ Sapna, leh nuntakna ah a thupi thupiangte aading.
– kha thupha kicing takin ngahsak hi.
Missa Biakpiakna in, Pasian’ hehpihna leh ama’ hong sikna tungah kisapna khempeuh muanna tawh i ap ding hong zawn hi.
A SISA MITE AADING
Catholic thuzui mi khat in a sep theih itna sang pen nasepte lak pan nasep khat in ah a sisa thuzui mite aading Missa Kithoihna na bawlsakna ahi hi.
• Pawlpi (Catholic) in a sisa mite ading thungetsak tawntung hi.
• Gimna neu sungah mawhna daan loh a om kha te in a Siang Missa Kithoihna panin phattuamna thupha tampi ngah uh hi.
• Missa Kithoihna Ngimnate in ei mai ah a paisate i itna leh i phawkna lak hi.
• Tuate in a sisa mite tungah Pasian’ hehpihna a tunna dingin a vanglian a muibun thuumna (a powerful plea) ahi hi.
A Siangtho Missa Kithoihna pen a sisa mi khat aading eite ngetsak theih thungetna lian pen ahi hi.
MISSA KITHOIHNA (BIAKPIAKNA) PEN BANG HANGIN HIH ZAH TAKIN VANGLIAN AHI HIAM?
Missa Kithoihna pen thungetna service maimai hi lo hi.
• Tua in Calvary mual tungah Christu ii khat vei a bawl Kithoihna ai-awh (tawh kibangin diing) hi.
• Jesu Christu mahmah in Kithoihna a pia Siampi leh Kithoihna in a kizang zong amahmah a nih in ahi hi.
• Gupkhiatna ngahna ding Ama’ bawl Kithoihna pan a kiteh theilo thuphate hong luang ahi hi.
• Missa Kithoihna khempeuh in Pasian’ minthanna hisak-a, A mite aading kha phattuamna thuphate ngahsak hi.
Missa Kithoihna in a Pa’ tungah Christu ngiat in a piak biakpiakna ahih manin, a thupi (lian) zaw thungetna om lo hi.
PHAWK IN
It leh ngaih mi khat, a tuam vilvel ngimna ahih kei leh a sisa mi khat aading Missa khat vei bawl (nget) sakna in thupit ngaihsut a upna leh kikhualna’ nasep khat (a profound act of faith & charity) ahi hi.
A Siangtho Missa Kithoihna tungtawnin, Pasian’ hehpihna, pilna leh itna muang ngiat a, i ngimnate Ama tungah muanna tawh i ap hi.
Eite i piak theih a sang (thupi) pen letsong in ah kammal maimai-te hi lo-a, biak tau tungah a om Christu mahmah ahi hi.
“A Siangtho Missa Kithoihna (Biakpiakna) pen leitungah a vang lian ( a muibun) pen thungetna ahi hi “
Mang lai pan i letkhiat ahi hi:
Fr. Wilfred Suan
(2 June 2026 – Tuesday)
CDT:
Ignatius Catholicum
