Matthew 14: 1-12

1. Tua hun laitakin kumpi Herod in Jesu’ thu a za hi.
2. Amah in a nuai-a, a nasemte’ kiangah, “Hih pa in Tuisawppa(c) John hi a, sihna pana hong hingkik ahi hi. Tua ahih manin, na lamdang bawl theihna ding vangliatna a nei ahi hi,” a ci hi.
3. Bang hang hiam cih leh Herod in a sanggampa Philip’(d) zi Herodias hangin John man a, thong a khia hi,
4. bang hang hiam cih leh John in Herod’ kiangah, “Nangmah in na sanggampa’ zi na teenpih ding thukham tawh kituak lo hi,” ci zel hi.
5. Herod in John that nuam ahih hangin mipite in amah kamsang khatin ngaihsun uh ahih manin mipite a kihta hi.
6. Ahi zongin Herod’ suah ni hong tun ciangin Herodias’ tanu uliante’ mai-ah hong laam a, Herod a lungkimsak mahmah hi.
7. Tua ahih manin tua nu in a nget peuhpeuh piak dingin amah a kiciam hi.
8. A nu’sawlna bangin amah in, “Tuisawppa John’ lutang, kuangdai tungah koihin hih lai-ah hong pia in,” ci-in a ngen hi.
9. Kumpipa lungkham mahmah a, ahi zongin a lenglate’ maitang ah kiciam khin ahih manin tua nu’ ngetna piak dingin thu a pia hi.
10. Amah in thong sungah mi sawl a, John’ ngawng a tansak hi.
11. A lutang kuangdai khatin hong tawi-in numeino’ tungah a pia hi; amah in a nu a piasawn hi.
12. John’ nungzuite hong pai-in a luang la uh a, a vui uh hi; tua khit ciangin Jesu’ kiangah a ko uh hi.

Hi in Topa’ Lungdamna Laisiangtho ahi hi.