CATHOLIC THUZUI INN TE AH PASIAN TAU KOIHNA

Catholic thuzuite inn te ah bang hangin Pasian tau koih uh hiam?

Catholic thuzuite inn in om nading mun khat hi bek lo hi.

Pasian om nading mun khat dingin ngimna ahi hi.

Inn sungah Pasian tau khat koihna in mun khat pen a siangtho innsung biakinn khatin kikhelsak zo hi.

Catholic Christian te inn in amasa pen thungetna mun ahi hi.

A khiatna in Pasian pen amasa pen in koihna  limlahna in inn sunga Pasian tau in dai takin hi innkuante ii phungpi hi cih hong tangko hi.

Nisim ih sep ih bawlnate in Pasian tawh kipanin amah tawh tawp hi cih nisimin hong theisak khat zong ahi hi.

Innkuanin thunget khopna mun, khawlkhopna mun khatin vantung gam bangin Christian innkuan khat lamna hi.

Thungen khawm innkuanin tel zawhloh haksatna te tawh kituah khak ciang nangawnin Pasian kiangah a lungtang uh dai takin puak zo hi.

Tua thungetna in inn a siangtho sak banah nisim nuntakna ah innkuante nuntakna kikhelsak hi.

Tua in inn khat bek hinawnlo in thupha, kilemna leh ngimnate tawh akidim, a ettehhuai Christian innkuan khat hong suaksak hi.

Tua ahihmanin inn sung Pasian tau cihin inn zepna hilo hi. Tua in nisim Pasian tawh kizop kik nadingin hong sapna ahi hi.

Ahangin hi inn in Pasian aa hi a, Pasian ii lungnopna kidimna mun leh Pasian khuavak in hi inn ah tang ta hen. Amen.

Na inn ah Pasian in mun khat a neih leh na nuntakna sungah Pasian in innteek in mun hong la pelmawh ding hi.

Catholic innkuan ii Pasian tau in kiim le paam akikhelsak banah khua sung kilemna hong kipatna mun leh tu le ta te in zahtak theihna a sinna mun, sangpi ahi hi.

Pasian in amah a kisapna munah om tawntung hi. Tua ahihmanin tu ni mahmah in kipan in. Na innin innkuan biakinn neu, thupha, khuavak le kilemna te kipatna mun hong suak ding hi.

Tua ahih manin hi a tunga thu te in Catholic thuzuite inn ah thungetna Pasian tau a kisapna ii thu bulpite ahi hi.