Catholic Nisim Lungdamna Laisiangtho.Hun Nautang Nipi Kaal (31) Na.7.11.2026 (Sat)
Luke 16: 9-15
9. Ken kong genin ah, a kip lo leitung hauhnate tawh lawm na ngahna dingun na zang un; tua hi leh tua hauhnate a bei ciangin tawntung innpi ah note hong dawn ding uh hi.
- “Thu neute’ tungah a citak mi in, thu liante’ tungah zong citak hi. Thu neute’ tungah a muanhuai lo mi in thu liante’ tungah zong muanhuai lo hi.
- Tua ahih manin leitung hauhna tungah na cihtak kei uh leh, hauhna taktak a kem dingin kua in note hong muang ding ahi hiam?
- Midang khatpeuh’ neihsa tungah na cihtak kei uh leh note’ aading neihsa kua in hong pia ding ahi hiam?
- Kuamah in to nih’ na sem khawm thei lo hi. Bang hang hiam cih leh amah in khat mudahin khat a it ding hi. Khat beelin khat a simmawh ding hi. Note in Pasian’ na le leitung hauhna nasem khawm thei kei ding uh hi,” a ci hi.
- Sum a iplah Pharisee-te in hih thu a zak uh ciangin Jesu a zahpih uh hi.
- Tua ahih manin Jesu in amaute’ kiangah, “Note in mite’ mai-ah no le no dik na kitansak uh hangin Pasian in na lungsimte uh a thei hi. Bang hang hiam cih leh, mite in manpha a sak mahmah nate Pasian muhna-ah a kihhuai hi.
Hi in Topa’ Lungdamna Laisiangtho ahi hi.
