The (50) Golden Jubilee of the Presence of Catholic Church at Thayagone Village (15.11.2026)

Ingyinkhone Parish acing akem Rev. Fr. Andrew Thang Ngaih Lian ii vaihawm siamna tawh Thayagone Khua ah Catholic Upna khaici a kituh zawh kum (50) cin Golden Jubilee Pawi pen November 15, 2026 ni-in nuam takin kibawl hi.

Hih pawi pen Zingsang nai (8:30 AM) in Biakinn mai-ah Topa teng dawnna leh Ngeina lam te lamna tawh Jubilee Pawi hun kipan uh hi. Tua khitteh inntek Siampipa Rev. Fr. Andrew Thang Ngai makaihna tawh Jubilee Mualsuang thupha piakna ki nei hi.

Tua khitteh Kalay Zone Vicar Forane a sem Rev. Fr. Joseph Kap Tung Nung makaihna tawh Missa Biakpiakna nuamtakin ki nei hi. Tua sungah Diocesan Office of Social Communication leh RVA Director a sem Rev. Fr. Joseph Thang Nen Zo Mung in Pasian kammal tawh kha-an vakna nei hi.

Amah in Laisiangtho bulphuhin 1. A beisa hun sunga thupiangte Phawkkik in lungdam koh ding, 2. Tu laitakin Pasian deihna zui-in itna tawh nuntak ding leh 3. Mailam hun te aa ding Christian upna tawh kizui-in kiginkhol ding ci-in hih thu namthum tawh Jubilee thu hilhcianna nei hi.

Missa Biakpiakna a man khitteh Siampite Deacon te, Nungak Siangtho te leh Jubilee Pawi la teng man kilakna nei uh hi. Hih Pawi ah Siampi (6), Tangval Siangtho (3) leh Nungak Siangtho te leh thu zuite vekpi gawm (900) kim kihel thei uh hi.

Kikhop man ciang Jubilee Pawi an nek khopna nuam takin ki nei in Jubilee piciang takin ki mansiang hi.

Fr.Joseph Mung
Fr.Joseph Mung
Articles: 2483

Leave a Reply

Your email address will not be published. Required fields are marked *