Bishop Felix Urges Catechists to Follow the Footsteps of Their Predecessors and Serve with Love and Sacrifice on the (27th Ongoing Formation of Catechists of Kalay Zone at Divine Mercy Church, Kalaymyo (Nov 12-15, 2026)

A (27) Veina Kalay Zone Thuhilhsia te Pasian thu sinbehna pen Nov 12-15,2026 dong ni (4) sung nuamtakin Divine Mercy Biakinn pi ah ki bawl hi.

Tua sungah Siadawpa in hun hon thu genna nei-in Thuhilhsia te aa ding pawlpi thukhun tak kizui-in a zuih huai thu te leh Thuhilhsia te ii thupitna te hilhcianna nei hi. Tua bek thamlo in a ma ii a neu lai aa thuhilhsia a sem ngei Piantit Topa te tawh a ki thuah thuhilhsia te ii hanciamna te, Pawlpi a vei manin nopna dahna ah Pawlpi thu a gen pahpahna, hilhcianna a piakna te leh a kisapna dung zui-in Pawlpi thu pawldangte tawh ki nialna a neihna te leh amaute hanciamna hangin pawlpi khangto a hihna thu te a gen khitteh amaute gamtat hoihna te uh a etteh nangun zong vaikhakna nei hi.

Tua banah Misiangtho Maximilian in thongkia mite tangin a nuntakna a piakkhiat ngamna te zong etteh theih dingin genna nei hi.

Hih ni li sung pan ni hih pen 1. Safeguarding Children by Fr. Nicholas Cin Kam Thang & Sr. Regina Thu Si May

2. Art of Good Relationships by Fr. Joseph Thang Nen Zo Mung

3. Leadership & Management by Fr. Cyril Dong Suan Pau

4. Moral Theology by Fr. Joseph Kap Tung Nung te tung pan sinna nei uh hi.

Tua khitteh Saturday ni nilang pen Rev. Fr. Peter Lian makaihna tawh Pasian thu lungngaihna nei-in Nitak lam pen Siampite tawh Futsal bawlung suih khopna te nei uh hi.

Hih Kalay Zone sungah Parish (10) om in tua sung pan thuhilhsia (50) kim pha uh hi. A maute in Ongoing Formation pen November 15 ni zingsang inntek Siampipa Fr. Francia Pasi makaihna tawh Missa Biakpiakna a man khitteh a man sing ding hi ta hi.

Thuhilhsia te aa dingin thu ngetsak ciat ni.

Fr.Joseph Mung
Fr.Joseph Mung
Articles: 2483

Leave a Reply

Your email address will not be published. Required fields are marked *