Alianbel Siampipa Leo in leitung kilem nading hanthawnin innkuan tawh kisai thu kikupna bawl ding tangko
Kaalsim mipite tawh kimuhkhopna leh Angelus thungetna man khit ciangin Pope Leo in leitung mun tuamtuam apiang buainate aveng nading hanthawnin kilem nadingin Tonu Maria ii panpihna nget ciat ding leitungbup aom thuzuite hanthawn hi.
Pope pa genna ah-
Kilem nading khi khin nading hanthawn.
“Aid to the Church in Need” kipawlna ii “naupang teng sawm te kipawlin khi khinin thungetna” cih vaihawmna sungah a kihel, leitung bup aom khangnote kiangah Pope in lungdam ko in amaute etteh nading in zong mimal khatciat hanthawn hi.
“Gal lauhuai na pan kipelh nading, Tonu ii thungetsakna ngenin adiakdiak in a siangtho leitang (Holy Land) leh ngongtatna athuak mite ading thu ngetsak ciatni.”
Amoris Laetitia kum (10) cin-
Innkuan tawh kisai thu kikupna, Pope Francis ii laizial Amoris Laetitia kum (10) cin phawkna in October 7 (Wed) ni pankipan Pope Paul VI khan ah kaal khat sung thu kikupna bawl ding ci-in Pope Leo in tangko hi. Tuhun Christian innkuan te akip semsem nading lampi te ngai ding, khentat ding le zong ding cih te kikum ding hi.
“Innkuan te in Pasian itna hang tawh Pawlpi le mipi kipawlna te adingin lametna lim khat leh akikhen thei lo thupha khat hi” ci-in Pope in gen hi.
Eite lungsimte, innkuante leh leitung ah kilemna a om theih nading in tu kaal sungin Pope tawh akibangin thungetna ah kihel ciatni.
