Bishop Felix Celebrates Children’s Mass for the Opening of the 2026–2027 Academic Year at Sacred Heart Church, Phai, and Blesses a Purified Drinking Water System Donated by Daw Agatha Niang Hau Dim (1 August 2026)

Phai Parish acing akem Rev. Fr. Damian Dal vaihawm siamna tawh Bishop Felix Phai, Siangtho Lungtang Parish aa sang kah sang naupang teng aa ding (2026-27) laisian hun Sangnaupang tengin cidam lungnuam takin lai a sin theih na ding un Sang honpawi Missa Biakpiakna August 2, 2026 ni-in nuamtak in bawlsak hi.

Hih Phai Siangtho Lungtang Parish ii Hon Sangah laisinna pen Tan lang pan tan 10 ciang kikahin tu laitak sangnaupang 336 pha hi ci-in Sang Siapipa Sia Khai Sian Thang in gen khiatna nei hi.

Missa Biakpiakna a man khit ciangin Daw Agatha Niang Hau Dim ii piakkhiat Dangdawn tui leh Tui Siangtho set te Siadawpa in thupha piakna nei hi. Hih Dangdawntui leh Tuisiangtho set te pen Biakinn huangsungah kikoih in Biakinn huangsuangah a lut mite khempeuh leh a diakdiakin sangnaupangte dawn ding cih ngimna tawh a ki piakhia hi ci-in thuzui mite in a piakhia te tungah a lungdamna uh leh a piakhia te ii ngimna te zong pulakna nei uh hi.

Missa Biakpiaka sungah Siadawpa leh Siampi ( thuzuite Biakinn dim in kikham in hun man ciang Daw Agatha Niang Hau Dim in a kikhawm teng moh leh niangtui pia in Siadawpa leh Siampi teng Zingah vakna nei hi.