Missionary Childhood Association (MCA) Meeting (1.8.2026)
Kalay Diocese hongcing hongkem Bishop Felix Lian Khen Thang ii Personal Assistant (PA) leh Diocese sung Pasian Nasem Naupangte Kipawlna (MCA) Director a sem Rev. Fr. Peter Lian ii vaihawm siamna tawh Kalaymyo Siadaw huang ah Kalaymyo sunga Naupangte Pasian thu hilh teng ki muh khopna hun nuam khat August ni khat ni-in limtak in kibawl hi.
Hih MCA tawh kisai vaipuak pen nidangin Rev. Fr. Francis Thang Za Sing makaihna tawh a kibawl hi-in tu-in Rev. Fr. Peter Lian in tua panmun len ahih manin nasep ding zia te a sem lui teng tawh kikupkhopna nei-in pan mun thak kiteelna zong nei pah hi.
Hih MCA panmun thak a len teng leh amaute sep ding maban te pen Rev. Fr. Peter Lian in zaksakna hong nei kik ding hi. Tu tung meeting ah pen a diakdiakin Kalaymyo leh Kalay Zone sunga Parish teng pan Naupangte a makaih Sia/Syama teng a kisam hi-in Parish kim panin a kihel kim zo nailo suak hi.
Ahi zongin hih a maute ii kikupna leh khensatna te pen mailam ah Diocese level in ki zui kim ding ahih manin lungdam huai mahmah hi.
