Monthly Recollection of Priests of Kalay Zone (15.8.2026)
Tuni Kalay Zone aa om Siampite Pasian thu lungngaihna pen Rev. Fr. Anthony Thawng Mun Piang makaihna tawh nuamtakin ki bawl hi.
Amah in Siampite in a tuunote bangci bangin makaih ding cih tawh kisai makaite ii lungsim puak zia ding leh a diakdiak in Siampite leh Siadawte ii vaipuak in bang hiam cih thute Pawlpi thukhun tawh kizui-in gen khiatna ngei hi.
Tua khitteh angeina bang mahin Pasian thu lungngaihna, Mawhsutna, Khikhinna leh Siampite Sun hun thungetna “Midday Prayer” nget khopna te ki nei hi.
Thungetna teng pen Deacon Thomas Thang Muan Lian in makaih in hun man caing, Chancellor pa, Procurator pa leh Assumption Rector pa in thu zaksakna nei-in sun-an nekna tawh hunte nuam tak in ki mansiang hi.
Tua ni pe Siadawpa Tedim ah Assumption Biakinn Pawi bawl dingin pai ahih manin hong kihel thei lo hi.
