The Pastoral Visit of His Excellency Bishop Felix Lian Khen Thang at Tedim Myoma (15.8.2026)
Tedim Myoma aa om Assumption Parish acing akem Rev. Fr. John Lian Cin Pau vaihawm siamna tawh Kalay Diocese hongcing hongkem Bishop Felix Lian Khen Thang pen August 15 ni-in Kalaymyo pan Tedim ah a Tuunote vai dingin pai-in Tedim Myoma Assumption Biakinn pan thuzuite in nasia tak in vaidawnna nei uh hi.
Tua khitteh August 16 ni-in Biakinn Pawi Nasia takin kibawlin tua Missa Biakpiakna sungah naupang 100 val in Siadawpa tung pan Christma Hanthotna, Khasiangtho sanna ngah uh hi.
Tua pawi ah kha aa ding bek hilo in pumpi taksa aa ding thu zuite in Sial khat go in kikhoptuah teh Biakinn ah ne khawm ngeingai uh hi. Tua banah Siadawpa zong Sialphei khat letsongin pia uh hi.
Tedim Myo ah hibangin pawi a ki bawl loh zawh sawt simpian a hih manin thuzuite in tha ngah thei mahmah uh hi.
