Monthly Recollection of CRCK at Divine Mercy Church, Taungzalat Qtr., Kalay (7.8.2026)
Tuni CRCK te Pasian thu lungngaihna St. Aloysius Nungak Siangtho te vaipuak letna Divene Mercy Biakinn, Taungzalat Qtr., Kalaymyo ah Rev. Fr. Camillus Ngin Ngo Suan (SDB) makaihna tawh noptak in kibawl hi.
Tua sungah amah in ei Khamtung Zomimite a tamzaw in abeisa hunin Inn leh lo hoih neih ding ki hanciam in ih ta te Pilna ih nguat ding ki phawk kha lo zaw hi. A taktak in ih Nu leh ih Pa te tung pan Upna leh Pilna Gamh ih luah le hang a dang nate sangin thupi zaw hi ci-in a ma muh khak leh tuah khak thu te gentehna tawh gen hi.
Tua khitteh Benediction Rev. Fr. Joseph Pau Kap Mung in makaih in Missa Biakpiakna pen Rev. Fr. Joseph Thang Nen Zo Mung in makaih hi.
Missa Biakpiakna hun sungin Rev. Fr. Joseph Kap Mung in Pasian kammal tawh kha-an vak na nei-in kikhop manteh thuzuite piak khiatna tawh sunan nekna noptak in ki nei hi.
